Arquivos da etiqueta: versogramas

Sunny Side feedback

Voltamos a casa despois dunhas intensas xornadas de traballo no Sunny Side of the Doc (La Rochelle, Francia).

sunny side feedback

Juan Lesta no stand Docs From Spain

Foron días de reunións, debates, pitchings, cócteles, reunións, proxeccións, charlas e máis reunións. Resultou realmente interesante comprobar as dinámicas actuais do mercado audiovisual, e ver a incrible saúde da que goza a produción de documentais internacionalmente. Como resumo, presenciamos proxectos ambiciosos, de grande calidade técnica e artística, na súa maioría coproducións entre varios países.

sunny side feedback

Flyers de Versogramas

O máis salientable, decatarse do enorme apoio das televisións nacionais e internacionais ó documental: máis dun slot para documentais de diversa duración e temática, departamentos especializados, coprodución e adquisición habitual de contidos, mesmo unha búsqueda activa de proxectos, denotan o mimo co que se trata a estas producións. Todo isto, por suposto, contribúe á creación dun público que consume e demanda documentais, e por tanto xustifica a súa viabilidade.

Pola nosa parte, volvemos cunha cantidade inxente de información que procesar, moito para aprender, e moitos contactos interesantes cos que manter relación. Agardamos poder contarvos novidades pronto!

Versogramas no Sunny Side of the Doc

versogramas sunny side of the doc

Versogramas viaxa a La Rochelle! Esta semana participaremos no festival e mercado internacional Sunny Side of the Doc. Poderedes atoparnos no pabellón “A9-Cinema from Spain”, baixo a marca “Films from Galicia”.

Será unha semana estupenda para coñecérmonos, intercambiar informacións sobre actuais e futuros proxectos, e aprender das tendencias do mercado internacional de documentais.

Digital Production Challenge Berlín

Versogramas_DPC

VERSOGRAMAS continúa a medrar.

Hai uns días Juan Lesta acudiu con VERSOGRAMAS ó Digital Production Challenge (Berlín, 2014). Organizado pola fundación Focal e a produtora Swiss Effects, e apoiado polo programa MEDIA, o Digital Production Challenge (DPC) é un obradoiro de formación e titorización de proxectos enfocado a mellorar os fluxos de produción, postprodución e distribución na era dixital dentro do mercado europeo. Procesos de traballo, ferramentas, solucións, novas vías de distribución dixital, coordinación e almacenaxe de materiais ou actualización do glosario técnico son conceptos nos que o obradoiro profundiza.

Ademais de sesións formativas sobre estes e outros aspectos, cada proxecto seleccionado como participante recibe titorización individual e asesoramento personalizado. Na imaxe, unha das clases do DPC, impartida polo director de fotografía Philippe Ros.

Seguiremos informando!