Arquivos da etiqueta: verkami

CROWDFUNDING FINALIZADO CON ÉXITO!!

CROWDFUNDING FINALIZADO CON ÉXITO!!

Moitas grazas a todos e todas as mecenas que contribuístes a que Versogramas poida saír adiante. Estamos felices de termos acadado e mesmo superado o obxectivo de financiamento!

Agora toca facer contas e pechar o crowdfunding. Tan pronto poidamos porémonos en contacto con cada mecenas para xestionar todo o preciso. Lembrade que o período de entrega de recompensas será aproximadamente entre setembro e decembro deste 2017, para que poidades acabar o ano con moita videopoesía.

Nós seguimos en rodaxe e pronto comezaremos a montaxe do documental.

Manterémosvos ao tanto 😉

éxito crowdfunding

Primeiro obxectivo conseguido!

Xa superamos o primeiro obxectivo de recadación!! Agora, imos a polo 2º obxectivo! Agarrádevos, que veñen curvas:

primeiro obxectivo conseguido

Queremos chegar a 8.500€ de recadación, para que Versogramas sexa impresionante. Con eses cartos extra, poderemos encher o plató de attrezzo incrible para facer aínda máis bonitas as escenas de transición de Versogramas: follas secas, pedras, ramas, libros, leds, cachivaches… Ademais, poderemos contratar a máis xente para que nos axude coa loxística de plató, que nos fai moita falta. Axudádesnos a conseguir iso?

Ademais, queremos engadir unha nova recompensa: un pase+picnic informal ao aire libre. Cea co equipo mentres ves o documental, por 50€! Correde reservala!

Como agradecemento a todos e todas as mecenas que nos apoiastes ata agora: dámosvos unha recompensa extra! O acceso online a material exclusivo do documental, making off, recortes de escenas, entrevistas íntegras…

GRACIAS, GRACIAS, GRACIAS!!

Sigamos avanzando, difundide vkm.is/versogramas e colaborade neste fantástico proxecto!

 

Lanzamos campaña de crowdfunding!

Hoxe lanzamos campaña de crowdfunding de Versogramas, o primeiro documental sobre o panorama internacional da videopoesía, producido por Esferobite.

lanzamos versogramas crowdfunding

Entrando en vkm.is/versogramas podes apoiar o proxecto e acceder ás recompensas que temos preparadas. Moitas delas son limitadas, así que apura, non as deixes escapar!

Neste vídeo contámosche un pouco máis:

Se vibras coa poesía, se che encanta a videocreación, se cres que a cultura precisa manterse viva e queres contribuír neste innovador proxecto, esta é a túa oportunidade.

Participa!