Arquivo da categoría: Novidades

CROWDFUNDING FINALIZADO CON ÉXITO!!

CROWDFUNDING FINALIZADO CON ÉXITO!!

Moitas grazas a todos e todas as mecenas que contribuístes a que Versogramas poida saír adiante. Estamos felices de termos acadado e mesmo superado o obxectivo de financiamento!

Agora toca facer contas e pechar o crowdfunding. Tan pronto poidamos porémonos en contacto con cada mecenas para xestionar todo o preciso. Lembrade que o período de entrega de recompensas será aproximadamente entre setembro e decembro deste 2017, para que poidades acabar o ano con moita videopoesía.

Nós seguimos en rodaxe e pronto comezaremos a montaxe do documental.

Manterémosvos ao tanto 😉

éxito crowdfunding

Primeiro obxectivo conseguido!

Xa superamos o primeiro obxectivo de recadación!! Agora, imos a polo 2º obxectivo! Agarrádevos, que veñen curvas:

primeiro obxectivo conseguido

Queremos chegar a 8.500€ de recadación, para que Versogramas sexa impresionante. Con eses cartos extra, poderemos encher o plató de attrezzo incrible para facer aínda máis bonitas as escenas de transición de Versogramas: follas secas, pedras, ramas, libros, leds, cachivaches… Ademais, poderemos contratar a máis xente para que nos axude coa loxística de plató, que nos fai moita falta. Axudádesnos a conseguir iso?

Ademais, queremos engadir unha nova recompensa: un pase+picnic informal ao aire libre. Cea co equipo mentres ves o documental, por 50€! Correde reservala!

Como agradecemento a todos e todas as mecenas que nos apoiastes ata agora: dámosvos unha recompensa extra! O acceso online a material exclusivo do documental, making off, recortes de escenas, entrevistas íntegras…

GRACIAS, GRACIAS, GRACIAS!!

Sigamos avanzando, difundide vkm.is/versogramas e colaborade neste fantástico proxecto!

 

5 razóns para apoiar Versogramas

Cinco razóns para apoiar Versogramas. A quinta vaite sorprender.

razóns para apoiar Versogramas1- Presume de apoiar un tipo de cultura que case ninguén coñece (Hipsterízate)

Cando Versogramas consiga convertir a videopoesía en mainstream, poderás renegar dela, cousa que te colocará nun estatus cultural superior

 2- Forma parte dun equipo selecto.

Únete a un elenco de luxo onde se codean cineastas, poetas, músicos e creadores de toda pelaxe. Na preestrea non dubidaremos en facerte sentir parte do equipo, para envexa das túas amizades culturetas.

3- Pasa á historia.

Versogramas é o primeiro documental sobre videopoesía que se produce en todo o mundo. Asegurámosche formar parte dos créditos dun documental pioneiro, único. Poderás fardar ante quen queiras.

4- Invita aos teus amigos a ver un DVD/bluray que seguro non terán na súa colección.

Garantizámosche que, case con toda seguridade, vai ser imposible que ningunha das túas amizades o teñan e te corten co típico “esa xa a vimos!”. Ademais, se levas a versión numerada poderás presumir ben dela, xa que non se editarán copias xamais.

5- Evita gastar os teus cartos en cousas peores.

Gastar os cartos en cultura é moito mellor que facelo en copas, tabaco, roupa que non te porás, a cota do ximnasio ao que non irás, tatuaxes que no futuro rematarás odiando… Invirte nalgo seguro, que non che creará cargo de conciencia!

Únete a Versogramas!!

FELIZ DÍA DAS LETRAS GALEGAS!!

Que teñen en común Yolanda Castaño, Antón Reixa, Miriam Reyes, Cristina Ferreiro, Eduardo Estévez, Branca Novoneyra, Xabier Xardón ou Esther Carrodeguas? Empregaban o mesmo modelo de bolígrafo? Teñen o pelo da mesma cor?

Non! Que tod@s son poetas galeg@s con videopoemas que formarán parte de Versogramas!! E que mellor maneira de celebrar as Letras Galegas, ademais de honrando ao grande Carlos Casares, que celebrando a grandes poetas vivos que mesturan palabra, son e imaxe.

miriam reyes versogramas letras galegas

Hoxe celebramos as Letras e celebramos que xa superamos os 4.000€ de recadación! Lembra que hai moitas recompensas que xa se están agotando, como participar nun videopoema colectivo e acudir á pre-estrea con desconto.

Ademais, non perdas a oportunidade de recibir un recital multimedia para escoitar e ver dende onde queiras. E aproveita para conseguir unha edición numerada dos videopoemas de Juan Lesta e Belén Montero.

Quedan poucos días de campaña e é vital que nos axudes a difundir a mensaxe. Para que nós poidamos sacar adiante Versogramas, e para que ti poidas levar a túa recompensa! 😉

Por certo: no segundo día de rodaxe entrevistamos a Eduardo Yagüe, Dionisio Cañas e Miriam Reyes. Eduardo dixo estas palabras preciosas sobre nós e trouxo golosinas suecas. As conversas cos tres foron igualmente deliciosas e proveitosas, menudos momentos bonitos nos está regalando Versogramas!

eduardo yague versogramas letras galegas